نئی دہلی،19نومبر(ایس او نیوز/آئی این ایس انڈیا) اتراکھنڈ اور اتر پردیش میں نیشنل ہائی وے 74 کے چوڑاکرنے سے متعلق مبینہ بدعنوانی کے معاملے میں منی لانڈرنگ کی روک تھام قانون کے تحت ای ڈی نے 21.96 کروڑ روپے کی جائیداد ضبط کی ہے۔ڈائریکٹوریٹ نے منگل کو یہ معلومات دی۔ایجنسی نے بتایا کہ جائیدادضبط کرنے کا عبوری حکم منی لانڈرنگ ایکٹ روک تھام (پی ایم یل اے) کے تحت جاری کیا گیا ہے۔کرک کی گئی جائیداد خصوصی تحویل اراضی افسران، زمین مالکان، کسانوں اور بچولیوں کی ہے۔ان جائیداد میں زرعی، صنعتی زمین، کاروباری زمین اور اتراکھنڈ کے دہرادون اور ادھم سنگھ شہر اضلاع اور اتر پردیش کے رام پور ضلع کی عمارتوں پر مشتمل ہے۔ای ڈی نے بتایا کہ 11 بینک اکاؤنٹس میں جمع رقم اور مشترکہ فنڈ بھی ضبط کئے گئے ہیں۔ایجنسی نے کہا کہ اتراکھنڈ پولیس نے آمدنی افسر دنیش پرتاپ سنگھ، کسان اور بچولئے کے خلاف ایف آئی آر درج کی تھی اور چارج شیٹ دائر کیا تھا، جس کی بنیاد پر ڈائریکٹوریٹ نے کارروائی کی۔تحویل اراضی کے دوران سنگھ اور انیل شکلا چیف آفیسر کے طور پر کام کر رہے تھے اور دیگر بیوروکریٹس، کسانوں اور بچولیوں کے ساتھ مل کر زرعی زمین کا معاوضہ غیر زرعی زمین شرح پر دے کر سرکاری فنڈز کی خردبرد کی۔ایجنسی نے الزام لگایا کہ غیر زرعی زمین کی شرح زرعی زمین سے کافی زیادہ ہوتی ہے۔اس سے حکومت کو 215.11 کروڑ روپے کا نقصان ہوا ہے۔